Velkomen til heimesida mi!
Eg har vore profesjonell hardingfelemakar sidan 2008, og har laga kring 45 hardingfeler. I tillegg driv eg også med utforsking og bygging av andre instrument; slik som hardingbratsj og hardingcello (bratsj og cello med understrengar og hardingfele-estetikk). I tillegg til bygging av nye instrument har eg også lang erfaring med ulike reparasjonsoppdrag og rigging av instrument. Eg utsmykkar også andre instrument med hardingfeledekor, til dømes trommer, gitarar og liknande. Eg har vunne Feleutstillinga på Landskappleiken 4 gonger, og blitt tildela Gullmedalje for eit av desse instrumenta.
I tillegg til å lage hardingfeler er eg også spelemann. Eg har hatt konsertar i inn- og utland, vunne Landskappleiken 4 gonger, og gitt ut to soloplater; Ottar Kåsa (Folkelarmprisen/Spelemannsprisen 2012) og Kjoskrullen (Folkelarmprisen 2015).